茶之閣

近況

2009-11-20T23:45:40Z

好久沒用blog了。

我只是比較常玩facebook，懶得更新Blog。

這幾個月來比較忙，因為有教會導師10月尾結婚，以及教友的親戚12月尾結婚，所以我要幫他們畫野。

說起來，真的好多人結婚呢＠＠

不錯的福音漫畫

2009-07-24T23:50:33Z

http://www.chick.com/zh/b5/default.asp#tracts

很感動,很不錯的福音漫畫~推薦
好多主題可睇下~~

God Bless You~

耶穌基督係好愛你&我

「神愛世人，甚至將他的獨生子賜給他們，叫一切信他的，不至滅亡，反得永生。( 約翰福音3:16 )

無題

2009-03-04T20:07:37Z

上星期日上午上完約翰福音課程+返午堂崇拜，下午就同fds去石澳BBQ，有一些人係ive團契，有一些人係筲箕灣浸信會的（我唔認識）
真係好耐冇見一d ive團契人，有d人變左好多，haha...
本來以為玩到8點先完，但10點後先完...返到屋企都快12點了...~.~
真係好開心~~

呢幾日黎，一時上到網，一時上唔到網，好麻煩...

過年

2009-01-31T11:07:25Z

今年過年還是很悶，很多時候都在家，初十才上班。
分別去了大舅父和姑媽家拜年。
還有同媽咪行街，買了件新衫。

好耐冇更新blog嚕~

2009-01-09T18:18:39Z

2009年了...

上年立志話一年內睇哂舊約

現在未睇哂-.-

要再努力睇哂佢

同埋，專心一意愛天父，因為我呢排覺得自己軟弱，覺得自己愈來愈需要神的愛。

呢排慢慢了解自己，經歷過一些事，我承認我有很多不足，唔夠理智，處理唔成熟，也知道自己存在著一些很大的弱點（不致於咁嚴重姐），係會妨礙我去學習愛主愛人，以及個人成長，如果唔改，我就不可能再成熟ｄ，唔識得咩叫"放下"。

原來留言簿好耐以前有人留言,但我一直唔知,真唔好意思

補2008年12月的日記

2009-01-09T18:13:46Z

2008年12月23-25日教會冬宣

感謝神俾我機會參加呢冬宣
關心人係好重要
行區祈禱時覺得花園街同女人街有分別，女人街品流好複雜，也好少教會，花園街就冇咁複雜，教會都多ｄ；仲有氣氛都唔同。

12月31日

與一班中學同學聚舊、倒數

無題

2008-11-19T00:53:25Z

椅子笑嘻嘻地說：嘿，多點笑吧，笑多d人都靚d~

這是早陣子我係教會發現，覺得它好似笑臉
咁我就影落黎，分享俾大家睇下

轉貼:"Give Up Get Up” Nick Vujicic 香港佈道會

2008-11-04T18:29:10Z

轉貼:"Give Up Get Up” Nick Vujicic 香港佈道會

見證嘉賓：力克 (Nick Vujicic)
講員：何志滌牧師 (播道會同福堂主任牧師)
敬拜讚美：唱作人徐偉賢、鋼琴家金美雪及黃愛恩、九龍城浸信會管弦樂團、教會樂圃、中國基督教播道會同福堂敬拜隊、香港傷健協會及生命小戰士會(排名不分先後）

中國基督教播道會同福堂與樂苗基金邀得力克 (Nick Vujicic) 到港。力克雖然生來沒有四肢，但他的生命卻絕非一齣悲劇，反而是一首生命的讚歌。

力克在澳洲出生，天生沒有雙手雙腳，但是他並沒有被生命的不幸擊倒，反而積極地面對人生，不但擁有財務規劃及會計兩個大學學位，並在世界各地作鼓動人心的工作，透過演講及錄像，影響了世界各地數以百萬計的人。他亦曾出訪九個不同國家，更成為兩家機構的總監，並有自己的房地產投資業務。更多有關Nick的資料可瀏覽 www.lifewithoutlimbs.org 網站。

力克說最惡劣的殘障不是「沒有肢體的人生」，而是「沒有盼望的人生」。他的見證將可為港人帶來盼望、鼓勵及積極人生目標。我們同時相信他的說話可以為受苦及正待援手的人帶來正面的影響及安慰。

就讓我們一同藉著力克的生命見證，為我們的社會帶來正面積極的影響。

大會網站：www.getup.hk；www.giveup.hk

上星期在教會參與青少年崇拜時,從牧師得知力克將會來香港見證

原來還有其他有關他的活動↓

http://www.pmf.com.hk/news.php?pkey=146&ctype=pec&iscontent=yes

唔知去唔去聽好呢...

轉載：沒有肢體的人生

2008-10-18T11:25:20Z

看了很感動，感謝主！
想向大家分享這影片。
身體有缺陷的人，也可以比正常人活得更好，更快樂，視乎我們怎樣看待人生。
凡事要感恩，凡事要知足，學習付出，去關心人，而不是埋怨，也不需介懷人們怎樣看我。

(閱讀全文)

少年牧羊人

2008-10-12T01:09:08Z

我花了約兩小時的時間去畫這幅圖，畫到手酸痛。
說起來，有多久沒仔細地畫六、七頭身的人物呢？應該有幾個月吧？
我不知道古代牧羊人（特別是中東一帶）通常用甚麼樂器，所以會畫了笛子。如有錯誤，請多包涵。

補:九號風球+教會camp

2008-08-26T20:22:53Z

早上↑

下午↑

↑雖然懸掛了九號，但出面好平靜

↑我同媽夜晚出左去7-11買野&係KFC坐左一陣

點知要回家時，開始打風打雨了

傘都被吹爛了

↑回到家了，但一開門就刮起大風，因為冇關窗，好多野被吹翻，加上未開燈，真係嚇死人。

仲要漏水，一大片...仲要係電腦旁

感受到九號風球的威力有多大了...

想畫出camp時的情況，但無咩靈感...也唔太記得詳細情形...

我最記得係畢氏一家短劇（教會人自己拍的短劇），曾有衝動想畫出呢短片的內容（唔係Q版果隻），但覺得唔係咁好。

我覺得Ann好入戲，係非常投入，哈哈～

短片製作都幾好喎~值得一讚，最正係有字幕～

我同小組d人出面傾計時，我一抬頭就見到兩顆疑似流星劃過夜空

上年都好似見過...

要寫出對camp的感受，似乎有d難度，因為我收到的訊息唔係太多，唔係咁深刻，加上返工，早左一日番屋企，冇去晚會（弟兄姊妹話好感動，真後悔我點解唔去），唔知點寫。

籌委們真係做得好好，好細心～辛苦佢地啦～

原來上一代會帶給下一代正面、負面影響，Mum給我正面、負面的影響，數量都差不多，但Dad給我的最多係負面影響...（汗）（本人一向與媽媽一齊住）

以後我要多ｄ諗正面野

第二次做九型人格，都係4號，我又發覺9號同4號好接近，差一兩分．．．

4號係情緒化＆妒忌，我承認我係情緒化＆易妒忌，但我唔想再情緒化，更唔想妒忌，想學下理性地去諗野，冷靜地處理任何野。

教會Camp

2008-08-15T00:52:19Z

參加教會Camp

明天下午(星期五)入去

星期日晚會回來

面試

2008-08-15T00:27:45Z

之前去了一間福利機構見工，以及中大文憑面試，現在要等通知，即是機會好微。
今日參加IT種子計劃第二輪面試，坐了9小時坐到腰骨痛，見了五間學校，結果不成功，感覺是有點失望，但不要緊，至少有汲取面試經驗，也有做好portfolio（平時懶，無整到），也感謝他們給我面試機會。明白了有書讀、有工作就要好好珍惜（我仍然有工作的）。
雖然我耳疾是會影響找工作，會影響讀書，可能要面對不好的反應，但我不會就此灰心，當然，人家怎麼說、怎麼看我，都不關我事啦，為什麼要受影響呢？倒不如檢討自己，看看有甚麼要改。
若不開心就盡量不多想，不開心就祈禱向天父傾訴，或向家人朋友傾訴，或去睡覺，做自己喜歡的事也可。
做人要保持樂觀，盡量改變角度去想就好。鑽牛角尖有甚麼好喔？